H&M Shirkiti Uyghurlarni qul qilip ishletken xitay zawuti bilen soda alaqisini üzgen

Muxbirimiz jewlan
2020-09-16
Élxet
Pikir
Share
Print

"Jenubiy xitay etigenlik xewerliri" torining 15-séntebir xewer qilishiche, shiwétsiyening dunyagha dangliq kiyim-kéchek shirkiti H&M xitayning yip ishlepchiqiridighan bir zawuti bilen bolghan sodisini ayaghlashturghan؛ chünki bu zawutning Uyghur rayonidiki mejburiy emgek bilen chétishliqi bar iken. H&M Shirkitining bildürüshiche, ular buningdin kéyin Uyghur rayonidiki her qandaq kiyim-kéchek zawuti bilen soda qilmaydiken, shundaqla bu rayondin paxta sétiwalmaydiken. Uyghur rayoni xitayning eng chong paxta bazisi bolup, Uyghur rayoni we ichkiri xitaydiki nurghun kiyim-kéchek zawutlirini xam eshya bilen teminleydiken.

Xewerde éytilishiche, bu yil 3-ayda awstraliye istratégiye we siyaset tetqiqat merkizi élan qilghan doklatta, Uyghurlarni qul ornida ishletken xitay zawutliridin menpe'etliniwatqan shirketler ichide H&M shirkitimu bar déyilgen bolup, enxuydiki bir yip ishlepchiqirish zawuti buning misali süpitide körsitilgen. Emma H&M shirkiti enxuydiki bu zawut bilen alaqisi yoqluqini, jéjyang xu'afu rext zawutining Uyghur rayonidiki sodisi bilenmu chétishliqi yoqluqini bildürgen.

Toluq bet