Uyghur diyaridiki mejburiy emgek tüpeylidin Zara shirkitining firansiyede dukan kéngeytishi cheklimige uchridi

Muxbirimiz eziz
2021-11-30
Share

Dunya zibuzinnet we kiyim-kéchek sodisidiki bayraqdar shirketlerning biri bolghan Zara shirkiti firansiyede özining parche sétish dukanlirini kéngeytmekchi boluwatqanda firansiye da'iriliri "Mezkur shirket Uyghurlarni mejburiy emgekke sélish qilmishidin menpe'etdar bolghan bolushi éhtimalgha bek yéqin" dégen seweb bilen bu telepni toxtitip qoyghan.

Firansiye xewer agéntliqining 29-noyabirdiki xewiride éytilishiche, bash shirkiti ispaniyediki Zara shirkiti deslep firansiyening jenubidiki bodu shehirige jaylashqan dukan kölimini bir hesse kéngeytmekchi bolghan. Emma bu telep rayonluq komitétqa tapshurulghandin kéyin komitét ezaliri bu shirketning Uyghur diyaridiki mejburiy emgek qilmishigha baghlinishliq ikenlikini bayqap bu telepni ret qilghan. Komitét ezaliridin alan garnér bu heqte söz qilip "Zara Shirkiti shinjangdiki mejburiy emgekke chétilip qalghan. Özining teminlesh zenjirige özi ige bolalmighan bundaq shirketning dukan kéngeytish telipini ret qilduq. Biz bu arqiliq herqaysi terepke bir küchlük uchurni yollimaqtimiz" dégen.

Xewerde éytilishiche, Uyghur diyaridiki paxta mehsulatliri nöwettiki mejburiy emgekke baghlinishliq eng chong amillarning biri bolup, bu shirketning köpligen kiyim-kéchekliri ashu xildiki paxta mehsulatlirini ishletkeniken.

Melum bolushiche, mushu xildiki mejburiy emgekke baghlinishliq bir qisim xelq'araliq dangliq markilar yéqindin buyan arqimu arqidin mushu yosundiki cheklesh we tenqidlerge duch kelmektiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet