Awstraliye we yéngi zéllandiyede sétiliwatqan kariwat kirliklirining Uyghurlarning mejburiy emgikige chétishliq bolushi diqqet qozghidi

Muxbirimiz irade
2020-12-31
Share

Yéngi zélandiyening "Newsroom" gézitining xewer qilishiche, yéngi zillandiye we awstiraliyediki kariwat kirliki parche satquchiliri mehsulatini Uyghur élining paxtisi bilen yasalghan, dep bazargha salghan teminlesh zenjiri bilen bolghan munasiwitini közdin kechürmektiken.

Xewerde éytilishiche, yéngi ziéllandiyening donédinni shehirige jaylashqan "Yipek sezgüsi" markiliq top satquchi shérket özining paxta kirlik mehsulatlirini ilgiri "Ela süpetlik shinjang paxtisi bilen ishlen'gen" dep teshwiq qilghan bolsa, yéqindin buyan mehsulatlirining chüshendürüsh qeghizidin bu sözni chiqiriwetken we bu paxta mehsulatlirining Uyghurlarning mejburiy emgikige chétishliqliqini ret qilghan.

"Yipek sezgüsi" ning diréktori i'an tomson muxbirlarning bu heqtiki so'allirigha: "Bu paxta Uyghur élidiki mejburiy emgek yoq yerdin kelgen" dégen. Hetta u bu paxta "Shinjang paxtisi dep atalsimu biraq u xitayning bashqa yéridin kelgen bolushimu mumkin," dep télifonni qoyuwetken. Kéyin u bir yazma bayanat arqiliq "Bizning zawutimizda ishlitilgen paxtilar qul emgiki bilen ishlepchiqirilmaydu! barliq paxtilirimiz xénen ölkisidin kélidu. Bu yerdiki emgekchilerge dostane we qanun asasida mu'amile qilinidu," dep pakitni ret qilghan.

Melum bolushiche, "Newsroom" géziti yuqiriqi bu top satquchidin mal teminlewatqan "Simis we kawgéys", "Uyqu karidori", "Xanish", "Bédpost", "Witwéls" öy jahazliri qatarliq marka dukanliri bilen alaqilashqan. "Bédpost" we "Uyqu karidori" qatarliq markilar özlirining "Yipek sézimi" namliq bu top satquchi bilen bolghan alaqi'isni közdin kechürüwatqanliqini bildürgen.

Kishilik hoquq teshkilatliri bir qanche yildin buyan Uyghur élida ishlepchiqirilghan paxtining xitay hökümitining ziyankeshlikke uchrawatqan Uyghur musulmanlirining mejburiy emgikige chétishliqliqi heqqide agahlandurup kelgen. Bundin ilgiri yéngi zillandiyening "Macpac" we "AS Color" qatarliq markiliri Uyghur élini menbe qilghan paxtilar bilen munasiwitini üzgen iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet