Arxé'ologlar qedimiy tarimliqlarning buningdin 3500 yil awwal ménge opératsiyesi qilghanliqini ilgiri sürdi

Yéqinda arxé'ologlar Uyghur ilining kichik mirendiki qedimiy qebriler topidin 3500 yil awwal yashighan bir ayalning bash söngikini tapqan. Arxé'ologlarning ilgiri sürüshiche, bu ayalning bash söngikide di'amétiri 6 santimétirliq bir yara izi bar.

Yara izining etrapidiki toqulmilarning eslige kélish ehwalidin qarighanda, 40 yashlardiki bu ayal 3500 yil awwal ménge opératsiyesi qilin'ghan. U opératsiyedin kéyin bir ay yaki uningdin artuqraq ömür körgen bolushi mumkin.

Bu pikirni jilin uniwérsitétining arxé'ologi ju xong 1‏-féwral chaqirilghan xitayning memliketlik yilliq arxé'ologiye yighinida otturigha qoyghan. Ju xong kichik mirendiki qedimiy qebristanliqni qézishqa qatnashqan xitay arxé'ologlarning biri.

Arxé'ologlar ötken yili 11‏-ayda kichik mirendiki oxshash qebridin dora we yémekliklerni qaturushqa ishlitidighan söngek yélimi‏-zhilatin bayqighan. Bu dunyada hazirgha qeder bayqalghan eng qedimiy zhilatin, dep qaralghan idi. Kichik miren kroran qedimiy shehirining 175 gherbiyge toghra kélidu. Mezkur qebristanliqini 1934‏- yili shwétsiyelik arxé'olog folk brégman bayqighan.