Рачил харрис: «мәсчитләрни чеқиш-хитайниң уйғур мәдәнийитигә қарши урушидики йеңи тактикиси»

Мухбиримиз ирадә
2019-04-08
Елхәт
Пикир
Share
Принт

Уйғур елидики лагерларниң җайлишиш вә омумлишиш әһвалини гогул хәритиси анализи арқилиқ ашкарилап бәргән кананадики хитай зиялийси шавн җаң йеқинда сүний һәмраһидин тартилған сүрәтләргә асасән хотәнниң керийә наһийәсидики 1000 йилдин узун тарихқа игә мәсчитниң һазир сүний һәмраһидин тартилған сүрәтләрдә йоқлуқини ашкарилиған иди.

Гәрчә мәзкур мәсчитниң хитай һөкүмити тәрипидин чеқиветилгәнлики техи башқа мәнбәләр, җүмлидин йәрлик даириләр тәрипидин дәлилләнмигән болсиму, әмма иҗтимаий тор бәтләрдә бу мәсчитниң чеқилған болуш еһтималлиқи күчлүк наразилиқ қозғиди.

Бүгүн йәнә, лондон университетиниң оқутқучиси, уйғур музика тәтқиқатчиси, доктор рачел харрис ханим «муһапизәтчи» гезитидә мушу һәқтә мақалә елан қилип, хитай һөкүмитиниң уйғур елидики тарихи мәсчитләр вә җүмлидин пүткүл бир мәдәнийәтни вәйран қилиши һәққидә мәхсус тохталди.

У мақалисидә, хитай һөкүмити тәрипидин чеқилғанлиқи илгири сүрүлүватқан керийә мәсчитиниң 1237-йиллири селинған тарихи бир мәсчит икәнликини тонуштуруш билән биргә, уйғур елидики мәсчитләрниң хитайниң райондики миллий вә дини кимликкә һуҗум қилип йүргүзүватқан сиясәтлириниң нишани болғанлиқини әскәрткән.

У мақалиси давамида, мана бу сәвәблик ислам дөләтлириниң уйғур елидики дини вә миллий байлиқларға қарита қилиниватқан һуҗумға қарши һәрикәткә өтүши керәкликини, пүтүн дуня дөләтлириниң кишилик һоқуқ үчүн аваз чиқириши керәкликини әскәрткән.

Пикирләр (0)
Share
Толуқ бәт