Yazghuchi semet dogaylining wapati Uyghurlarni qayghugha saldi

Muxbirimiz méhriban
2016-03-15
Élxet
Pikir
Share
Print

Bügünki dewr Uyghur edebiyatida tonulghan talantliq yazghuchi, edebiy terjiman we zhurnalst semet dugayli 2016-yili 15-mart (seyshenbe) seher sa'et 3:30 lar etrapida 69 yéshida ürümchide késellik sewebi bilen alemdin ötti.

Yazghuchining wapati Uyghurlarni qayghugha saldi. Uyghurlar merhumgha bolghan qayghulirini ijtima'iy taratqularda yazghan teziyename-mersiyiliri arqiliq ipadilidi. Ündidarda merhum heqqide yézilghan teziyilerde "Ötken hepte wapat bolghan edib qurban barattin kéyin, Uyghur asminida yene bir yultuz semet dogayli öchti" dégen bayanlar yézilip, yazghuchining Uyghur edebiyatidiki ornigha yuqiri baha bérildi. Uyghur aptonom rayonidiki yazghuchilar jem'iyiti namida élan qilin'ghan yazghuchi semet dogaylining wapati heqqidiki teziyenamide semet dogaylining ijadiy pa'aliyetliri tonushturuldi.

Yazghuchi semet dogayli 1947-yili qeshqer yéngisheher nahiyiside tughulghan, deslep qeshqer pédagogika instituti edebiyat fakoltitida oqutquchiliq qilghan. Kéyin béyjing milletler neshriyatida tehrir muherri bolup ishligen. Yazghuchining hazirghiche "Nurluq qelbler", "Gül'ayim", "Hayat shamalliri"(3 qisim) qatarliq romanliri, "Qachqun karwan", "Éqin", "Roza héytning tunji küni" qatarliq hékaye-powést toplamliri neshr qilin'ghan.

Melum bolushiche yazghuchi semet dogayli béyjing milletler neshriyatida ishligen mezgilliride seypidin ezizining "Sutuq bughraxan", "Ömür dastanliri" namliq eserlirining tehrirlik xizmitini üstige alghan bolup, bu eserlerning bedi'iy qimmitige yazghuchi semet dogaylining köp ejri singgenliki Uyghurlar arisida teriplinip kelgen idi.

Toluq bet