Германийә, әнглийә, явропа иттипақи қатарлиқлар лагерлар һәққидики мәхпий һөҗҗәтләргә инкас билдүрди

Мухбиримиз әркин
2019-11-26
Елхәт
Пикир
Share
Принт

Германийә, әнглийә әлләр вә явропа иттипақи хитайниң 24‏-ноябир күни ашкариланған лагерлар һәққидики мәхпий һөҗҗитигә инкас билдүрүп, хитай һөкүмитини хәлқара җәмийәтниң районда әркин тәкшүрүш елип беришиға йол қоюшқа чақирди.

Германийә ташқи ишлар министири хәйко маас 26‏-ноябир күни германийә «судетен зейтуң» гезитиниң зияритини қобул қилғанда, хитайниң үстигә алған хәлқара кишилик һоқуқ мәсулийитини ада қилиши керәкликини билдүрүп, «әгәр лагерларда йүз миңлиған уйғур тутуп турулуватқан болса, хәлқара җәмийәт буниңға көз юмалмайду» дегән.

Әнгилийә «муһапизәтчи» гезитиниң хәвәр қилишичә, әнгилийә ташқи ишлар министирлиқи 25‏-ноябир күни баянат елан қилип, хитайни б д т ниң уйғур районидики «лагерларда дәрһал вә чәклимисиз тәкшүрүш елип бериши» ға йол қоюшқа чақирған. Хәвәрдә, әнглийә ташқи ишла министирлиқиниң бу чақириқни елан қилишиға хитайниң йеқинда ашкариланған лагерлар һәққидики мәхпий һөҗҗити сәвәб болғанлиқи тәкитләнгән.

Хәвәрдә қәйт қилинишичә, әнглийә ташқи ишлар министирлиқи баянатчиси хитайниң уйғур мусулманлириға вә шинҗаңдики башқа етник милләтләргә қаритилған мәдәнийәт, диний әркинлик җәһәтләрдики чекидин ашқан чәклимилиригә хатимә беришини тәләп қилидиғанлиқи» ни билдүргән. Шу күни йәнә явропа иттипақи баянат елан қилип, райондики сиясий «қайта тәрбийәләш лагерлири» ни тәнқид қилған. явропа комиссийәсиниң аял баянатчиси, өзлириниң йеңи ашкариланған мәхпий һөҗҗәтниң тәпсилатлириға баһа бәрмәйдиғанлиқини билдүрүп, лекин «сиясий қайта-тәрбийәләш лагерлириниң мәвҗутлуқиға, шинҗаңдики уйғур вә башқа аз санлиқ милләтләрниң кәң көләмлик тәқиблиниши вә мәдәнийәт, диний әркинликлириниң чәклинишигә қарши изчил пикри билдүрүп келиватқанлиқи» ни тәкитлигән. 24‏-Ноябир күни вашингтондики «хәлқара тәкшүрүш ахбаратчилиқи бирләшмиси» хитайниң лагердики тутқунларни қандақ башқуруш һәққидики мәхпий һөҗҗәтлирини ашкарилап, хәлқарада қаттиқ ғулғула қозғиғаниди.

Пикирләр (0)
Share
Толуқ бәт