Amérika tashqi ishlar ministirliqining tor bétide Uyghur mesilisi üchün mexsus sehipe échildi

Muxbirimiz irade
2020-09-04
Élxet
Pikir
Share
Print

Amérika tashqi ishlar ministirliqi öz tor bétide Uyghurlar uchrawatqan zulumgha béghishlan'ghan mexsus sehipe tesis qildi. "Xitay kompartiyesining shinjangdiki kishilik hoquq depsendichiliki" dep atalghan bu sehipe in'glizche, rusche, erebche we xitaychidin ibaret töt xil tilda tesis qilin'ghan.

Uningda "Shinjangda néme boluwatidu", "Mejburiy emgek", "Mejburiy nopus kontrol qilish", "Dini erkinlikni depsende qilish", "Tashqi ishlar ministiri pompéyoning bayanliri" qatarliq mexsus témilar boyiche ayrim betler tesis qilinip, Uyghur élide yüz bériwatqan éghir kishilik hoquq depsendichilikliri sistémiliq halda chüshendürüp bérilgen.

Bu sehipide yene amérika tashqi ishlar ministiri mayk pompéyoning bügün'giche Uyghurlar heqqide bergen barliq bayanatliri, téléwiziye ziyaretliri shundaqla amérika tashqi ishlar ministirliqi we soda ministirliqi teripidin hazirghiche Uyghur élidiki zulumgha alaqidar élan qilin'ghan barliq jaza tedbirliri, wiza cheklimisi we alaqidar qanun-tüzümler birmu-bir tizip chiqilghan.

Chet'ellerdiki Uyghur közetküchiler amérika tashqi ishlar ministirliqining Uyghur mesilisige béghishlan'ghan 4 tilliq bundaq sehipe tesis qilishi amérikaning Uyghur mesilisige bériwatqan zor ehmiyitini namayan qilidu, dep qarimaqta.

Mezkur sehipini bu adréstin ziyaret qilalaysiz: https://www.state.gov/ccpabuses

Toluq bet