Майк помпейо: «җорҗ орвелниң 1984 намлиқ китабидики қурлар шинҗаңда реаллиққа айланди»

Мухбиримиз ирадә
2019-10-11
Елхәт
Пикир
Share
Принт

Америка ташқи ишлар министири майк помпейо 11-өктәбир күни американиң тениси штатиниң нәшвил шәһиридики бир йиғинда қилған сөзидә йәнә уйғурларниң вәзийити үстидә тохталған.

Ройтерсниң хәвәр қилишичә, у йиғинда хитай һөкүмитиниң уйғур мусулманлириға йүргүзүватқан сияситини җорҗ орвелниң «1984» намлиқ китабида тәсвирләнгән түзүмгә охшитип «хитай һөкүмити бир милйондин ошуқ уйғур мусулманни лагерда тутқун қилип зораванлиқ қилмақта» дегән. 

У бу сөзләрни нәшвил шәһиридә ечилған америка христиан кеңәшлири бирликиниң йиғинида қилған болуп, у бу һәқтики сөзидә «шинҗаң районида җорҗ орвелниң 1984 намлиқ китабидики мәзмунлар реаллиққа айланмақта. Мән NBA ниң буни етирап қилишини толиму үмид қилаттим» дегән. 

Алдинқи һәптә америка NBA васкетбол гурупписи хоңкоң намайишини қоллиған твиттер сөзи сәвәблик хитай һөкүмитидин кәчүрүм сорашқа мәҗбур болғандин кейин америкада күчлүк муназирә қозғалған вә NBA ниң уйғур елидә бир мәшиқ базиси барлиқидәк мәсилиму тәң оттуриға чиқип, уни тақаш чақириқлири қилинған. 

Америка һөкүмити вә ташқи ишлар министирлиқи бу һәптә уйғур елидики ғайәт зор кишилик һоқуқ дәпсәндичиликидә рол алған орган вә ширкәтләргә вә алақидар шәхсләргә қарита җаза тәдбирлирини елан қилған иди. 10-Өктәбир күни, америка ташқи ишлар министирлиқиниң баянатчиси морган ортагус ханим мәхсус баянат елан қилип: «хитай һөкүмитини уйғур, қазақ вә қирғиз қатарлиқ мусулман милләтләргә йүргүзүватқан бесим сияситини дәрһал аяғлаштуруш» қа чақирди.

Пикирләр (0)
Share
Толуқ бәт