Америка ташқий ишлар министири майк помпейо йәнә бир қетим уйғурлар мәсилисини тилға алди

Америка ташқий ишлар министири майк помпейо дөләтлик байрамларниң бири болған “сабиқ әскәрләр байрими” мунасивити билән 11-ноябир күни җәнубий каролина шитатиниң чарлестовн шәһридә нутуқ сөзлиди.

“өмүрлүк хизмәт мусапәмдин йәкүнлигән тәҗрибиләр” сәрләвһилик нутуқида ташқий ишлар министири майк помпейо өзиниң һәрбий мәктәптә оқуш, армийәдә капитан унвани елиш, кейинчә америка кеңәш палатасиниң әзаси, мәркизий ахбарат идарисиниң башлиқи вә ташқий ишлар министири болуштәк һаят кәчүрмишилири асасида өз хизмитидә мунәввәр болушқа тиришиш, хизмәттики талантлиқларни байқаш вә еғир вәзипиләрни артқузиватқанларни мукапатлаш, шу арқилиқ бир мукәммәл коллектип бәрпа қилиштәк тәҗрибисини йиғин әһлигә тонуштурди. 

Майк помпейо шу қатарда бу хилдики “мунәввәрлик” тәҗрибисигә һәрқачан күтүлмигән хирисларниңму тәйяр икәнликини әскәртип, нөвәттә хиристян муритлириниң зиянкәшликкә учришидин тартип хитайда уйғурларниң бастурулушиғичә болған ишлардин буни рошән көрүвалғили болидиғанлиқини көрсәтти. 

Ташқий ишлар министири майк помпейо йеқиндин буян арқиму-арқидин охшимиған катта сорунларда уйғурлар дуч келиватқан сиясий бастурушларни тәкитләп келиватқан болуп, бир қисим анализчилар буни “дуняға бериливатқан уйғурлар һәққидики сигналдур,” дәп қаримақта икән.