Amérika tashqiy ishlar ministiri mayk pompéyo yene bir qétim Uyghurlar mesilisini tilgha aldi

Muxbirimiz erkin
2019-11-13
Élxet
Pikir
Share
Print

Amérika tashqiy ishlar ministiri mayk pompéyo döletlik bayramlarning biri bolghan "Sabiq eskerler bayrimi" munasiwiti bilen 11-noyabir küni jenubiy karolina shitatining charléstown shehride nutuq sözlidi.

"Ömürlük xizmet musapemdin yekünligen tejribiler" serlewhilik nutuqida tashqiy ishlar ministiri mayk pompéyo özining herbiy mektepte oqush, armiyede kapitan unwani élish, kéyinche amérika kéngesh palatasining ezasi, merkiziy axbarat idarisining bashliqi we tashqiy ishlar ministiri bolushtek hayat kechürmishiliri asasida öz xizmitide munewwer bolushqa tirishish, xizmettiki talantliqlarni bayqash we éghir wezipilerni artquziwatqanlarni mukapatlash, shu arqiliq bir mukemmel kolléktip berpa qilishtek tejribisini yighin ehlige tonushturdi. 

Mayk pompéyo shu qatarda bu xildiki "Munewwerlik" tejribisige herqachan kütülmigen xirislarningmu teyyar ikenlikini eskertip, nöwette xiristyan muritlirining ziyankeshlikke uchrishidin tartip xitayda Uyghurlarning basturulushighiche bolghan ishlardin buni roshen körüwalghili bolidighanliqini körsetti. 

Tashqiy ishlar ministiri mayk pompéyo yéqindin buyan arqimu-arqidin oxshimighan katta sorunlarda Uyghurlar duch kéliwatqan siyasiy basturushlarni tekitlep kéliwatqan bolup, bir qisim analizchilar buni "Dunyagha bériliwatqan Uyghurlar heqqidiki signaldur," dep qarimaqta iken.

Toluq bet