“шинҗаң синиплири” ниң оқутқучи-оқуғучилири тәтил мәзгилидә милләтләр иттипақлиқи тәшвиқати қилишқа орунлаштурулған

Мухбиримиз ирадә
2016-07-14
Share

Уйғур аптоном райони ичкири өлкиләрдики “шинҗаң синиплири” ниң оқуғучилирини тәтил мәзгилидә идийиви-сиясий тәшвиқат аңлаш вә сөзләшкә орунлаштурған. Шинхуа торидин берилгән хәвәргә қариғанда, “ йүзләп йүзләп он миңлап” дәп нам берилгән бу тәшвиқат һәрикити бойичә ичкиридики шинҗаң синиплириниң оқутқучилири язлиқ тәтил мәзгилидә уйғур елигә келип өз оқуғучилирини өйму-өй зиярәт қилип, партийиниң миллий сиясити вә маарип сиясити вә милләтләр иттипақлиқи тәшвиқатини қилидикән.

Пиланға асасән йәнә, тәтил мәзгилидә йүзлигән шинҗаң синипи оқуғучилириниң ата-анилири лексийәгә орунлаштурулидикән. “шинҗаң синипи” оқуғучилири уйғур райониға келип өз юртлирида тәшвиқат сөзләшкә орунлаштурулидикән.

Хитай һөкүмити уйғур елидә давамлиқ түрдә, түрлүк намлар астида сиясий тәшвиқат, милләтләр иттипақлиқи тәшвиқатлирини орунлаштуруп кәлди. яш өсмүрләр болса уларниң асаслиқ нишани. Чәтәлләрдики уйғур зиялийлири уйғур балилирини ичкири өлкиләргә апирип оқутушниң орниға уйғур елидики оқу-оқутуш шараитлирини яхшилиши керәкликини ипадиләп кәлгән. Бирақ, буни аз дәп бу балиларниң тәтил мәзгилидиму сиясий тәшвиқатқа орунлаштурулуши наразилиқ пәйда қилди.

Тәтил болғандин бери, ичкиридики 60 тин ошуқ оттура мәктәпниң 700 артуқ оқутқучиси уйғур елигә кәлгән вә мәзкур һәрикәт уйғур аптоном район бойичә қанат яйдурулған. 14-Июл күни бейҗиң шәһәрлик 9-оттура мәктәпниң 8 нәпәр оқутқучисиниң лоп наһийисидә оқуғучилириниң өйлирини зиярәт қилғанлиқи хәвәр қилинған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт