“Shinjang sinipliri” ning oqutquchi-oqughuchiliri tetil mezgilide milletler ittipaqliqi teshwiqati qilishqa orunlashturulghan

Uyghur aptonom rayoni ichkiri ölkilerdiki “Shinjang sinipliri” ning oqughuchilirini tetil mezgilide idiyiwi-siyasiy teshwiqat anglash we sözleshke orunlashturghan. Shinxu'a toridin bérilgen xewerge qarighanda, “ Yüzlep yüzlep on minglap” dep nam bérilgen bu teshwiqat herikiti boyiche ichkiridiki shinjang siniplirining oqutquchiliri yazliq tetil mezgilide Uyghur élige kélip öz oqughuchilirini öymu-öy ziyaret qilip, partiyining milliy siyasiti we ma'arip siyasiti we milletler ittipaqliqi teshwiqatini qilidiken.

Pilan'gha asasen yene, tetil mezgilide yüzligen shinjang sinipi oqughuchilirining ata-aniliri léksiyege orunlashturulidiken. “Shinjang sinipi” oqughuchiliri Uyghur rayonigha kélip öz yurtlirida teshwiqat sözleshke orunlashturulidiken.

Xitay hökümiti Uyghur élide dawamliq türde, türlük namlar astida siyasiy teshwiqat, milletler ittipaqliqi teshwiqatlirini orunlashturup keldi. Yash ösmürler bolsa ularning asasliq nishani. Chet'ellerdiki Uyghur ziyaliyliri Uyghur balilirini ichkiri ölkilerge apirip oqutushning ornigha Uyghur élidiki oqu-oqutush shara'itlirini yaxshilishi kéreklikini ipadilep kelgen. Biraq, buni az dep bu balilarning tetil mezgilidimu siyasiy teshwiqatqa orunlashturulushi naraziliq peyda qildi.

Tetil bolghandin béri, ichkiridiki 60 tin oshuq ottura mektepning 700 artuq oqutquchisi Uyghur élige kelgen we mezkur heriket Uyghur aptonom rayon boyiche qanat yaydurulghan. 14-Iyul küni béyjing sheherlik 9-ottura mektepning 8 neper oqutquchisining lop nahiyiside oqughuchilirining öylirini ziyaret qilghanliqi xewer qilin'ghan.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar