Uyghur élidiki yash ösmürlerge "Milletler ittipaqliship bir a'ile kishiliridek bolush" teshwiqati kücheytilmekte

Muxbirimiz irade
2016-12-22
Share

Uyghur aptonom rayon da'iriliri ösmür balilar we yashlargha qaritilghan "Milletler ittipaqliship bir a'ile kishiliridek bolush" teshwiqatini kücheytmekte.

Xelq toridin bérilgen xewerdin qarighanda, Uyghur aptonom rayon da'iriliri "Milletler ittipaqliship bir a'ile kishiliridek bolush" pa'aliyitini mekteplerge kirgüzüsh namidiki bir heriketni bashlighan. Bu pa'aliyette herqaysi milletlerdin teshkillen'gen artislar "Chaqmaq tézliki" dep atalghan bir xil teshwiqat usuli arqiliq yeni balilarning teneppus ariliqlirida mekteplerge kirip, balilargha milletler ittipaqliqi téma qilin'ghan bir meydan nomur körsitidiken.

Xewerde éytilishiche, bu "Chaqmaq tézliki" dep nam bérilgen milletler ittipaqliqi teshwiqat herikiti bundin kéyin mekteplerge kirgüzülüpla qalmay, idare-organ, karxana, doxturxana we qisimlardimu keng qanat yaydurulidiken.

Buningdin sirt yene, aptonom rayonluq yashlar birleshmisi we aptonom rayonluq oqughuchilar birleshmisimu 20-dékabir küni yighin chaqirip, herqaysi milletlerdin teshkillen'gen yashlargha "Bölgünchilikke qarshi turup, muqimliqni qoghdash, milletler ittipaqliqini ilgiri sürüsh" heqqide terbiye bergen.

Chet'ellerdiki Uyghur közetküchiler bolsa bu xildiki pütmes-tügimes teshwiqat heriketlirining eksiche ünüm yaritidighanliqini, Uyghur élidiki mewjut mesililerni yiltizidin hel qilmay turup, quruq teshwiqat arqiliq milletler ittipaqliqi we muqimliq yaritishning mumkin emeslikini bildürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet