Хитай даирилириниң уйғур миллий кийим-кечәклиригә өлчәм бекитмәкчи болуши тәнқидкә учриди

Мухбиримиз ирадә
2014-05-15
Елхәт
Пикир
Share
Принт

Бүгүн америка уйғур бирләшмиси баянат елан қилип, хитай даирилириниң уйғурларниң миллий кийим-кечәклиригә қарита өлчәм бекитмәкчи болғанлиқини тәнқид қилди.

Йеқинда тәңритағ тори бир хәвиридә, уйғур аптоном райондики алақидар орунлар һәмкарлишип уйғурларниң миллий кийим-кечәклирини өлчәмләштүрүш вә қелиплаштуруш хизмитини башлиғанлиқини баян қилған иди. Хәвәрдә ейтилишичә, бу хизмәт шинҗаң уйғур аптоном районлуқ сүпәт вә техника тәкшүрүш идарисиниң өлчәмләштүрүш рәһбәрлик гурупписи тәрипидин елип бериливатқан икән.

Америка уйғур бирләшмиси бу һәқтики баянатида буни хитай һөкүмитиниң уйғурларниң шәхсий турмушиға вә өз алдиға қарар бериш һоқуқиға қопаллиқ билән арилашқанлиқ, дәп тәнқид қилди. Улар хитай һөкүмитиниң йеқинқи йиллардин буян «радикаллиққа қарши туруш» дегән баһанә билән уйғурларниң дини әркинликини қаттиқ қамал астиға еливатқанлиқини вә миллий әнәнилиригә бузғунчилиқ қиливатқанлиқини билдүрди.

Уйғур ели даирилири илгириму «уйғур аяллириниң гүзәллик қурулуши» дегәндәк намлар астида миллий вә дини ирадиси бойичә кийингән аялларни зәрбә бериш нишаниға айландуридиған һәрикәтләрни елип барған иди.

Пикирләр (0)
Share
Толуқ бәт