Xitay da'irilirining Uyghur milliy kiyim-kécheklirige ölchem békitmekchi bolushi tenqidke uchridi

Muxbirimiz irade
2014-05-15
Élxet
Pikir
Share
Print

Bügün amérika Uyghur birleshmisi bayanat élan qilip, xitay da'irilirining Uyghurlarning milliy kiyim-kécheklirige qarita ölchem békitmekchi bolghanliqini tenqid qildi.

Yéqinda tengritagh tori bir xewiride, Uyghur aptonom rayondiki alaqidar orunlar hemkarliship Uyghurlarning milliy kiyim-kécheklirini ölchemleshtürüsh we qéliplashturush xizmitini bashlighanliqini bayan qilghan idi. Xewerde éytilishiche, bu xizmet shinjang Uyghur aptonom rayonluq süpet we téxnika tekshürüsh idarisining ölchemleshtürüsh rehberlik guruppisi teripidin élip bériliwatqan iken.

Amérika Uyghur birleshmisi bu heqtiki bayanatida buni xitay hökümitining Uyghurlarning shexsiy turmushigha we öz aldigha qarar bérish hoquqigha qopalliq bilen arilashqanliq, dep tenqid qildi. Ular xitay hökümitining yéqinqi yillardin buyan "Radikalliqqa qarshi turush" dégen bahane bilen Uyghurlarning dini erkinlikini qattiq qamal astigha éliwatqanliqini we milliy en'enilirige buzghunchiliq qiliwatqanliqini bildürdi.

Uyghur éli da'iriliri ilgirimu "Uyghur ayallirining güzellik qurulushi" dégendek namlar astida milliy we dini iradisi boyiche kiyin'gen ayallarni zerbe bérish nishanigha aylanduridighan heriketlerni élip barghan idi.

Toluq bet