Хитай тәтқиқатчилири қизил миң өйлиридин чәтәлләргә елип кетилгән там рәсимлириниң из-дерикини қилмақтикән

Мухбиримиз қутлан
2016-01-18
Share

"асия киндики тори" ниң хәвиригә қариғанда, уйғур аптоном районлуқ "күсән тәтқиқат юрти" йеқиндин буян чәтәл музейлирида сақлиниватқан қәдимки күсәнгә даир мәдәнийәт ядикарлиқлирини сүрүштә қилмақтикән.

15-январ күни күсән тәтқиқат юртиниң муавин башлиқи җав  ли баянат берип, русийә әрмитаҗ музейиниң уйғур аптоном райони билән бирлишип қизил миң өйлири там рәсимлирини бирликтә тәтқиқ қилишқа қошулғанлиқини билдүргән.

Мәлум болушичә, қизил миң өйлири уйғур әҗдадлириниң буддизм дәвридә яратқан әң муһим мәдәнийәт-сәнәт мираслири болуп, 19-әсирниң ахири вә 20-әсирниң башлирида германийә, русийә, әнглийә, японийә қатарлиқ әлләрниң експедитсийә өмәклири бу җайдин көплигән там рәсимлирини елип кәткән.

Һазир германийәниң берлин сәнәт музейида қизил миң өйидин елип кетилгән там рәсимидин 220 парчә бар болуп, һәҗми тәхминән 500 квадрат метирдин ашидикән. Ундин башқа русийәниң әрмитаҗ музейида қизил миң өйидин елип кетилгән там рәсимлири 100 парчидин көп икән.

Игилинишичә, йеқинқи йиллардин буян хитай һөкүмити түрлүк йоллар билән чәтәлләрдә сақлиниватқан уйғур елиға мунасивәтлик мәдәнийәт ядикарлиқлири вә башқа илмий йиғмиларниң из-дерикини қилмақтикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт