Xitay tetqiqatchiliri qizil ming öyliridin chet'ellerge élip kétilgen tam resimlirining iz-dérikini qilmaqtiken

Muxbirimiz qutlan
2016-01-18
Share

“Asiya kindiki tori” ning xewirige qarighanda, Uyghur aptonom rayonluq “Küsen tetqiqat yurti” yéqindin buyan chet'el muzéylirida saqliniwatqan qedimki küsen'ge da'ir medeniyet yadikarliqlirini sürüshte qilmaqtiken.

15-Yanwar küni küsen tetqiqat yurtining mu'awin bashliqi jaw  li bayanat bérip, rusiye ermitaj muzéyining Uyghur aptonom rayoni bilen birliship qizil ming öyliri tam resimlirini birlikte tetqiq qilishqa qoshulghanliqini bildürgen.

Melum bolushiche, qizil ming öyliri Uyghur ejdadlirining buddizm dewride yaratqan eng muhim medeniyet-sen'et mirasliri bolup, 19-esirning axiri we 20-esirning bashlirida gérmaniye, rusiye, en'gliye, yaponiye qatarliq ellerning ékspéditsiye ömekliri bu jaydin köpligen tam resimlirini élip ketken.

Hazir gérmaniyening bérlin sen'et muzéyida qizil ming öyidin élip kétilgen tam resimidin 220 parche bar bolup, hejmi texminen 500 kwadrat métirdin ashidiken. Undin bashqa rusiyening ermitaj muzéyida qizil ming öyidin élip kétilgen tam resimliri 100 parchidin köp iken.

Igilinishiche, yéqinqi yillardin buyan xitay hökümiti türlük yollar bilen chet'ellerde saqliniwatqan Uyghur éligha munasiwetlik medeniyet yadikarliqliri we bashqa ilmiy yighmilarning iz-dérikini qilmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet