Méral aqshener xanim: "Türkiyening Uyghurlar heqqide gep qilalmasliqi xata siyasetlerning netijisi"

Muxbirimiz irade
2020-12-23
Share

Türkiyediki öktichi partiyelerdin bolghan "Iyi" partiyesining rehbiri méral aqshener aq partiye hökümitini xata tashqi siyaset yürgüzüsh bilen eyibligen. U türkiye hökümitining Uyghur mesiliside aghzini échip bir éghiz söz qilalmasliqini mana bu xata siyasetlerning netijisi, dep körsetken.

Anadolu agéntliqining xewer qilishiche, méral aqshener xanim 22-dékabir küni türkiye parlaméntida söz qilghanda hökümetni tashqi siyaset bilen shughullan'ghanda estayidil bolushqa chaqirghan. U mundaq dégen: "Quruq sho'ar towlash arqiliq diplomatiyediki tehditni yoqatqili bolmaydu. Döletni bashqurush dégen salmiqi éghir ish. . . Sherqiy türkistandiki qérindashlirimizgha (Uyghurlargha) ziyankeshlik qiliwatqan xitaygha bir éghizmu söz qilalmasliq mana bu iqtidarsizliqning netijisi."

Méral aqshener yene türkiye hökümitining tashqi siyaset yürgüzüshte yiraqni körüp ish qilmaywatqanliqini bildürgen. U amérikaning yéqinda türkiye rosiyening S-400 bashqurulidighan bombidin mudapi'elinish sistémisini sétiwalghanliqi üchün jaza tedbiri élan qilghanliqinimu eskertip turup, "Bumu türkiye hökümitining yiraqni körmigenlikining netijisi" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet