“Misranim” tori sahibining qolgha élin'ghanliqi heqqide uchur tarqaldi

Muxbirimiz eziz
2016.05.03
Share on WhatsApp
Share on WhatsApp

“Sherqiy türkistan uchur merkizi” ning xewer qilishiche, Uyghurlar diyaridiki ziyaret qilghuchilar sani eng köp bolghan tor betlerdin biri bolghan “Misranim” torining sahibi ababekri muxterni xitay da'iriliri qolgha alghan.

Xewerde éytilishiche, ababekri muxter aprél éyining béshida qolgha élin'ghan bolup, da'iriler qolgha élish sewebini uning ürümchige oyun qoyushqa kelgen özbék naxshichi bilen bolghan iqtisadiy majiragha baghlighanliqi melum bolmaqta. Emma xelq arisidiki inkaslarda bolsa, uning chet'ellerdiki Uyghur ziyaliylirining yazmilirini öz torida köplep élan qilghanliqi bu qétimqi qolgha élishqa seweb bolghan bolushi mumkin, dep qaralmaqta iken.

Alaqidar uchurlardin melum bolushiche, ababekri muxter “Misranim” tor bétini qurup uzun ötmey amérikining xitayda turushluq sabiq bash elchisi geriy lokning qobul qilishigha sazawer bolghan hemde uning biwasite amérikigha teklip qilishigha érishken. 2014-Yilining béshida amérikida ikki heptilik ziyaret we ékskursiyide bolghan.

Xitay da'iriliri 2009-yili “5-Iyul weqesi” ge baghlap köp sandiki Uyghur tor bashqurghuchilirini qolgha alghan bolup, ularning beziliri muddetsiz qamaq jazasigha, yene beziliri oxshimighan muddetlik qamaq jazalirigha höküm qilin'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet