Mongghuliyediki éghir muhit bulghinish mongghul ahalilirini teshwishke salmaqtiken

Muxbirimiz qutlan
2016-12-26
Share

Birleshme agéntliqning xewer qilishiche, 12-ayning 26-küni mongghuliye paytexti ulanbaturda yüzligen sheher ahalisi yighilip, muhittiki éghir bulghinish heqqide naraziliq namayishi ötküzgen.

Namayishchilar, mongghuliye da'irilirining muhit asrash boyiche ünümlük tedbir alalmighanliqi, éghir derijide bulghan'ghan hawaning balilar we yashan'ghanlarning hayatigha xiris élip kelgenlikini bildürgen.

Nöldin töwen 20 sélsiye gradus soghuqta élip bérilghan bu namayish xelq'ara taratqularning diqqitini chekken. Namayishchilar, "Is-tütek eng chong qatildur", "Kelgüsi ewladlirimizgha sap hawa telep qilimiz" dégen sho'arlarni towlap, mongghul da'irilirining muhit heqqide ipade bildürüshini telep qilghan.

Igilinishiche, ulanbator dunyadiki eng soghuq paytext sheher bolup, qish mezgilidiki eng töwen témpératurisi bezide nöldin töwen 40 sélsiye gradusqa chüshidiken. Yéqinqi yillardin buyan sün'iy rewishtiki hawa bulghinish tüpeyli 1 milyon 300 ming ahalige ige ulanbaturda qish mezgilide éghir derijide is-tütek chüshüsh ehwali körülmektiken. Bu hal mezkur sheherdiki 5 yashtin töwen balilar arisida nepes yoli yallughi bilen öpke késellikini qozghap, köpligen balilarning ölüp kétishi keltürüp chiqarghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet