موسكۋادا چوڭ جامىنىڭ ئېچىلىش مۇراسىمى ئۆتكۈزۈلدى

مۇخبىرىمىز جۈمە
2015-09-23
Share

23-سېنتەبىر رۇسىيە پايتەختى موسكۋادا ياۋروپادىكى ئەڭ چوڭ جامى دەپ قارالغان موسكۋا مەركىزىي جامىسىنىڭ ئېچىلىش مۇراسىمى ئۆتكۈزۈلدى، جامىنىڭ ئېچىلىشى پۈتكۈل مۇسۇلمان دۇنياسى بۇ يىللىق قۇربان ھېيتنى قۇتلۇقلاشقا ھازىرلانغان پەيتلەرگە توغرا كەلدى.

10 مىڭ كىشى سىغىدىغان، 3 قەۋەتلىك بۇ كۆركەم مەسچىتنىڭ يوپۇقىنى رۇسىيە پرېزىدېنتى ۋلادىمىر پۇتىن بىلەن رۇسىيەنىڭ باش مۇپتىسى راۋىل غەينىدىن بىرلىكتە ئاچتى.

ئېچىلىش مۇراسىمىغا تۈركىيە پرېزىدېنتى رەجەپ تاييىپ ئەردۇغان، پەلەستىن پرېزىدېنتى مەھمۇد ئابباس قاتارلىق چەتئەل رەھبەرلىرىمۇ ئالاھىدە تەكلىپ بىلەن قاتناشتى.

ئېچىلىش نۇتقىنى سۆزلىگەن رۇسىيە پرېزىدېنتى ۋلادىمىر پۇتىن مەزكۇر جامىنىڭ ئوخشىمايدىغان دىن ۋە ئېرىقىدىكى كىشىلەرنى ئىتتىپاقلاشتۇرۇش ئىدېئولوگىيەسى ئۈستىگە قۇرۇلغان بىر دۆلەت ئۈچۈن مۇھىم ئەھمىيەتكە ئىگە ئىكەنلىكىنى بىلدۈردى.

مەلۇم بولۇشىچە نۆۋەتتە موسكۋادا 4 جامى بار بولۇپ، بۇلار موسكۋانىڭ بارغانچە كۆپىيىۋاتقان مۇسۇلمان جامائىتىنى سىغدۇرۇپ كېتەلمەيدىكەن.

بۇ يىللىق قۇربان ھېيت نامىزىغا موسكۋادا يېڭى ئېچىلغان مەسچىتكە 60 مىڭغا يېقىن ئادەم كېلىشى تەخمىن قىلىنماقتا ئىكەن.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت