Ички моңғулдин бейҗиңға кәлгән әрздарлар елип кетилди

Мухбиримиз меһрибан
2016-06-16
Share

Радийомиз игилигән әһваллардин мәлум болушичә, 15-июн чаршәнбә күни ички моңғулниң ордос шәһиригә қарашлиқ хангин, отуғ хошунлиридин яйлақ даваси қилип, бейҗиңға барған 50 дәк чарвичи, йәрлик даириләр тәрипидин мәҗбурий елип кетилгән.

Моңғул чарвичиларниң радийомизға билдүрүшичә, 16-июн пәйшәнбә күни йәрлик даириләр әвәткән һөкүмәт хадимлири бейҗиңдики дөләтлик әрзийәт идариси алдидин моңғул чарвичиларни нәсиһәт қилиш, тәһдит қилиш васитилирини қоллинип елип кәткән.

Мәлум болушичә, ордос шәһиридики моңғул әрздарлар йәрлик һөкүмәт даирилириниң моңғулларниң яйлақлирини мәҗбурий игиливелип, ширкәтләргә ишлитишкә бериши, яйлақта ечилған кан вә химийиви завутлар сәвәбидин барғанчә начарлишиватқан яйлақниң екологийилик муһити мәсилисини һәл қилиш һәққидә йезилған бирләшмә әрзини хитай дөләтлик әрзийәт идарисигә сунуш үчүн бейҗиңға кәлгән.

Радийомизға әһвални билдүргән бир нәпәр моңғул чарвичи илгири бу аилигә чарва беқиш үчүн һөддигә берилгән 13 миң мо яйлақниң, наһийилик һөкүмәт тәрипидин дөләт игидарчилиқидики земин дегән уқтуруш чүшүрүлүп, тартивелинғанлиқини вә бу аилигә һечқандақ төләм берилмигәнликини, бу қетим әрз қилип бейҗиңға кәлгән башқа моңғул чарвичилириниң яйлақлириму һәр хил намларда игиливелинип төләм берилмигәнликини билдүрди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт