Ürümchide ataqliq muqamshunas,muzikant zikri elpetta tughulghanliqining 100 yilliq xatire pa'aliyiti ötküzüldi

Muxbirimiz qutlan
2016-04-25
Élxet
Pikir
Share
Print

Uyghurche tor betliridin melum bolushiche, aldinqi küni ürümchidiki Uyghur aptonom rayonluq muqam merkizide ataqliq muzikant merhum zikri elpetta tughulghanliqining 100 yilliq xatire pa'aliyiti ötküzülgen.

Xatirilesh pa'aliyitini Uyghur aptonom rayonluq edebiyat-sen'etchiler birleshmisi bilen muzikantlar jem'iyiti birlikte uyushturghan.

Uyghur aptonom rayonining milliy muzika, edebiyat-sen'et we bashqa munasiwetlik saheliridin teklip qilin'ghan 100 din artuq mutexessisler mezkur pa'aliyetke qatnashqan.

Xatirilesh pa'aliyitide merhum muzikant zikri elpettaning sen'etke béghishlan'ghan hayat musapisi we uning Uyghur milliy muzika saheside qolgha keltürgen ölmes eserliri eslep ötülgen.

Melumki, ataqliq muzikant we muqamshunas zikri elpetta 1915-yili ilida tughulghan. Yashliq bahari urghup turghan 1930-we 1940-yillarda u özining bir yürüsh ijadiyetliri bilen ili Uyghur sen'itining yétekchiliridin birige aylan'ghan. Uning "Ruxsari" namliq muqami, "Zöhre janim", "Qizil gül", "Tenlirim yapraq" qatarliq dangliq naxshilargha ishligen bir qatar muzikiliri Uyghur milliy muzika tarixidin chongqur orun alghan. Merhum zikri elpetta 1986-yili ürümchide wapat bolghan.

Toluq bet