Ayaghning ichidin tépiwélin'ghan "Muraji'et xéti" kishilik hoquq mutexessislirini agahlandurdi

Muxbirimiz nur'iman
2020-11-18
Share

"Moskwa waqti géziti" ning 18-noyabir bergen xewirige asaslan'ghanda, aldinqi peyshenbe küni sankit pétérburgda yashaydighan arslan gibadulin isimlik kishi tor arqiliq sétiwalghan The North Face markiliq tenterbiye ayighining ichidin, ayaghning ichki qismigha tikiwétilgen bir qisqa xetni bayqighan. Xette mundaq yézilghan: "Yardem qiling, men xitaydiki türmide, Uyghurgha yardem qiling".

"Moskwa waqti géziti" yene bu weqening dunya moda sana'itining xitaydiki "Uyghur mejburiy emgek küchi" ge chétilidighanliqini ispatlaydighan, bu yil ichide bayqalghan üchinchi qétimliq weqe ikenlikini eskertken.

Melum bolushiche, 180 kishilik hoquq teshkilati birleshmisi iyulda doklat élan qilip, yershari moda sana'itining asasen dégüdek xitayning Uyghur élidiki "Uyghur mejburiy emgek küchi" ge shérik ikenlikini tekitligen.

Awstraliye istratégiyelik siyaset instituti bu yil martta 82 din artuq dangliq markiliq mehsulatning Uyghur mejburiy emgikidin paydilinidighanliqi, 2017-yilidin 2019-yilighiche xitay hökümitining 80 mingdin artuq Uyghurni xitayning ichkiri ölkilerdiki zawutlargha yötkigenlikini ashkarilighanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet