Мисир соти сабиқ мисир президенти муһәммәд мурсиға йәнә бир муддәтсиз қамақ җазаси һөкүм қилди

Мухбиримиз үмидвар
2016-06-19
Share

Қаһирә сот мәһкимиси сабиқ мисир президенти муһәммәд мурсиға дөләтниң мәхпий учурлирини паш қилиш җинайити артип йәнә бир муддәтсиз қамақ җазаси һөкүм қилди.

Ройтерсниң хәвәр қилишичә, қаһирә соти шәнбә күни мурси билән четишлиқ башқа алтә адәмгә өлүм җазаси һөкүм қилған болуп, уларниң арисида әл - җәзирә телевизийәсиниң икки хадими вә башқа бир нәпәр мухбир бар икән. Йәнә башқа икки киши мурси ишханисиниң хадимлири икән.

Мисирниң сот тәртипи бойичә өлүмгә һөкүм қилиш һөкүми мисир али муфитликигә йоллинип, муфтиликниң тәстиқини елиши керәк икән.

Муһәммәд мурси мисирдики инқилабтин кейин әркин сайлам арқилиқ президентлиққа сайланған мусулман қериндашлар җәмийитиниң вәкили иди. У, 2013 - йили, 7 - айда мисир һәрбий даирилири тәрипидин ағдурулған вә сот тәрипидин униңға һәр хил җинайәтләр артилип, өлүм җазаси, муддәтсиз қамақ җазаси вә муддәтлик түрмә җазаси берилгән иди.

Шәнбә күнидики сотта униңға дөләт мәхпийәтликини паш қилиш вә җасуслуқ җиянәтлири артилип, йеңидин муддәтсиз қамақ җазасиға һөкүм қилинди.

Б б с агентлиқиниң хәвәр қилишичә, хәлқара кәчүрүм тәшкилати алтә нәпәр адәмгә берилгән өлүм җазасини вә мухбирларға чиқарған әйибләшни бикар қилишқа чақирған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт