Misir soti sabiq misir prézidénti muhemmed mursigha yene bir muddetsiz qamaq jazasi höküm qildi

Muxbirimiz ümidwar
2016-06-19
Share

Qahire sot mehkimisi sabiq misir prézidénti muhemmed mursigha döletning mexpiy uchurlirini pash qilish jinayiti artip yene bir muddetsiz qamaq jazasi höküm qildi.

Roytérsning xewer qilishiche, qahire soti shenbe küni mursi bilen chétishliq bashqa alte ademge ölüm jazasi höküm qilghan bolup, ularning arisida el - jezire téléwiziyesining ikki xadimi we bashqa bir neper muxbir bar iken. Yene bashqa ikki kishi mursi ishxanisining xadimliri iken.

Misirning sot tertipi boyiche ölümge höküm qilish hökümi misir ali mufitlikige yollinip, muftilikning testiqini élishi kérek iken.

Muhemmed mursi misirdiki inqilabtin kéyin erkin saylam arqiliq prézidéntliqqa saylan'ghan musulman qérindashlar jemiyitining wekili idi. U, 2013 - yili, 7 - ayda misir herbiy da'iriliri teripidin aghdurulghan we sot teripidin uninggha her xil jinayetler artilip, ölüm jazasi, muddetsiz qamaq jazasi we muddetlik türme jazasi bérilgen idi.

Shenbe künidiki sotta uninggha dölet mexpiyetlikini pash qilish we jasusluq jiyanetliri artilip, yéngidin muddetsiz qamaq jazasigha höküm qilindi.

B b s agéntliqining xewer qilishiche, xelq'ara kechürüm teshkilati alte neper ademge bérilgen ölüm jazasini we muxbirlargha chiqarghan eyibleshni bikar qilishqa chaqirghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet