Uyghur kishilik hoquq programmisi "Dunya musapirlar küni" munasiwiti bilen taylandtiki Uyghur musapirlar heqqide bayanat élan qildi

Muxbirimiz qutlan
2016-06-20
Share

Bügün, yeni 20-iyun "Dunya musapirlar küni".

Washin'gtondiki Uyghur kishilik hoquq programmisi bu munasiwet bilen mexsus bayanat élan qilip, taylandta tutup turuluwatqan Uyghur musapirlarning xelq'ara kishilik hoquq qanuni boyiche üchinchi bir bixeter döletke yerleshtürülüshini telep qildi.

Uyghur kishilik hoquq programmisi öz bayanatida taylandta turup turulüwatqan Uyghur musapirlarni xitaygha qayturushning birleshken döletler teshkilati musapirlar komitéti élan qilghan musapirlarning heq-hoquqliri toghrisidiki mexsus belgilimige xilap ikenlikini alahide eskertken.

Mezkur bayanatta Uyghur kishilik hoquq programmisining dériktori alim séytofning sözi neqil keltürülüp mundaq déyilgen: "Musapirlar qanunigha asaslan'ghanda, tayland da'iriliri choqum öz tewelikide tutup turuluwatqan Uyghur musapirlirining bixeter jaygha olturaqlishishigha yol qoyushi kérek. Egerde ular xitaygha qayturulsa, Uyghur musapirlarning xitayda türmige qamilishi yaki ten jazasigha uchrishi nahayiti éniq."

Igilinishiche, nöwette taylandta tutup turuluwatqan Uyghur musapirlar 70 tin artuq bolup, ular ramizanning aldida achliq élan qilghan idi. 2015-Yili tayland hökümitining 109 neper Uyghur musapirni xitaygha qayturushi amérika we yawropa ittipaqining küchlük tenqidige duch kelgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.