“Tashqiy siyaset” zhurnilida “Musteqilliq sherqiy türkistan üchün méngilidighan birdinbir yoldur” namliq maqale élan qilindi
Yéqinda “Tashqi siyaset” zhornilida “Yéxen” texellesluq bir aptorning “Musteqilliq telep qilish Uyghurlar mesilisige paydisiz bolushi mumkin” namliq bir maqalisi élan qilinip, chet ellerdiki Uyghurlar arisida zor ghulghula qozghighan idi.
-
Muxbirimiz irade
2021-08-12 -
-
-
Yéqinda “Tashqi siyaset” zhornilida “Yéxen” texellesluq bir aptorning “Musteqilliq telep qilish Uyghurlar mesilisige paydisiz bolushi mumkin” namliq bir maqalisi élan qilinip, chet ellerdiki Uyghurlar arisida zor ghulghula qozghighan idi.
U bu maqaliside Uyghurlarning musteqilliq herikitining Uyghurlargha paydisiz ikenlikini ilgiri sürüsh bilen birge, köp qisim Uyghurlarning musteqilliqni xalimaydighanliqini bayan qilghan.
Buninggha chet ellerdiki Uyghur ziyaliyliri derhal küchlük inkas qayturghan we reddiye bergen.
11-Awghust küni pelsepe penliri doktori memtimin ela ependi bilen amérikadiki “Sherqiy türkistan milliy oyghinish herikiti” ning qurghuchisi salih xudayar “Tashqi siyaset” zhornilida birleshme maqale élan qilip, yuqiridiki “Yéxen” texellusluq aptorning maqalisigha reddiye bergen.
Ular “Musteqilliq sherqiy türkistan üchün méngilidighan birdinbir yoldur” dep mawzu qoyghan bu maqalisdexitay hökümitining Uyghurlargha qaritiwatqan mustemlikisining Uyghurlar uchrawatqan qirghinchiliqning menbesi ikenlikini alahide tekitligen. Ular maqalisida “Musteqilliq Uyghurlarni xitayning qirghinchiliqidin qutuldurush we uni kapaletlendürüshtiki birdinbir yoldur,” dep körsetken.
Ular maqaliside tarixiy misallar arqiliq xitay hökümranliqi astida héchqandaq bir Uyghurning bixeter emeslikini eskertip: “Uyghurlar özlirining ejdatliridin qalghan zéminida tinch, erkin we musteqil yashashqa mohtaj, chünki buni xitay hökümranliqi astida emelge ashurghili bolmaydu. Musteqilliq Uyghurlarning öz ghururi bilen tinch we erkin yashishining birdinbir yolidur,” dep tekitligen.