Prézidént obama musulman musapirlarni amérikigha qobul qilmasliq pikrini tenqid qildi

Muxbirimiz erkin
2015.11.18
Share on WhatsApp
Share on WhatsApp

Prézidént obama musulman musapirlirini amérikigha qobul qilmasliq pikrini tenqidlep, musapirlargha diniy ölchem qoyushning amérika qimmet qarishigha xilap ikenlikini agahlandurdi.

Parizhda yüz bergen térrorluq hujumi amérikida süriyelik musapirlarni qobul qilish-qilmasliq heqqide munazire qozghighan.

Firansiye hökümiti 132 adem ölgen parizhdiki térrorluq hujumda bezi térrorchilarning süriye musapirlirigha qoshulup yawropagha kirgenlikini bayqighan. Bu ehwal gherb ellirining hoshyarliqini qozghighan idi.

Amérikida prézidéntliqqa namzat bezi jumhuriyetchiler musulman musapirlarni qobul qilish bixeterlikke tehdit keltüridighanliqini eskertip, peqet süriyelik xristi'an musapirlarnila qobul qilishni otturigha qoyghan.

Kéngesh palata ezasi, jumhuriyetchiler prézidént namzati ted kruz shu pikirdiki siyasetchilerning biri bolup, u musulman musapirlarni ottura sherq we bashqa musulman ellerge orunlashturushni otturigha qoyghan.

Biraq, prézidént obama bu pikirni “Nomus qilarliq” dep körsetti. U, bu sözni türkiyening antaliye shehiride ötküzgen axbarat yighinida qildi. Obama sözide, bu pikirni otturigha qoyghan bezi kishilerning özi, siyasiy ziyankeshliktin qéchip kélip qoghdashqa érishken a'ililerdin kélip chiqqanliqini tekitlidi. Obama hökümiti bu yil 9‏-ayda süriyelik musapirlarni qobul qilishni köpeytidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.