Xelq'ara muxbirlarni qoghdash komitéti xitayni chiriklikke qarshi küreshte semimiy bolushqa chaqirdi

Xelq'ara muxbirlarni qoghdash komitéti bügün doklat élan qilip, xitay da'irilirining emeldarlarning chiriklikini pash qilghan ju ruyfinggha a'it barliq tor betlerni taqiwetkenlikini tenqid qildi.

Ju ruyfing mushu ayning 16-küni fujyen ölkisi jinjyang shehirining partkom sékrétarining chiriklik qilmishliri heqqidiki matériyallarni özining shexsi tor blogida pash qilghan. Hökümet da'iriliri bolsa buning bilen derhal uning shexsi blogidiki matériyallarni öchürüwétish bilen birge, uninggha a'it jem'iy 4 blog we tor betni taqiwetken.

Muxbirlarni qoghdash komitéti bayanatida, bu ehwal xitay hökümitining chiriklikke qarshi küreshtiki semimiylikige qarita guman peyda qilidu, dédi.

Ju rüyfing ilgiri nyuyork waqti gézitige qilghan sözide, özining 2006-yilidin bashlap, 100 din artuq emeldarning chiriklik qilmishigha a'it ispatni pash qilghanliqini, emma ularning aran üchining emilidin qaldurulghanliqini bildürgen.