2016-Yilliq eng nadir kishilik hoquq xewerliri tizimlikide Uyghurlargha a'it maqalilermu orun aldi

Amérikadiki “Médyum” xewerler tori 2016-yilidiki “Eng nadir kishilik hoquq xewerliri” ni bahalap chiqqan bolup, uningda radiyomiz muxbiri qutlanning “Gherb dunyasidiki Uyghurlar-milliy kimlik we özlishish” serlewhilik chatma maqaliliri orun aldi.

Mezkur tor bettiki xewerge bérilgen éniqlimida, erkin asiya radi'osi muxbiri qutlanning bu pewqul'adde programmisining xitay kommunistlirining zulumidin qéchip chet'ellerde musapir bolghan Uyghurlarning ottura asiya we gherb ellirige olturaqlishish jeryanlirini intayin yaxshi yorutup bergenliki, programma arqiliq chet'ellerge qéchip chiqqan Uyghurlarning Uyghur milliy kimlikining tiklinishide zor rol oynighanliqini körüsh mumkinliki bayan qilin'ghan.

Mezkur “Nadir kishilik hoquq xewerliri” de yene, dawid lagu'e, pa'ul mo'oney qatarliqlar yazghan we roytérs agéntliqida élan qilin'ghan “Xitay chet'ellerdiki Uyghur köchmenlerni yurtidiki a'ilisi arqiliq kontrol qilmaqta” mawzuluq maqalimu orun alghan. Maqalide, kanadada yashaydighan erkin qurban we shundaqla gérmaniyediki d u q bash katipi dolqun eysalarning hékayiliri arqiliq xitay hökümitining chet'ellerge qéchip chiqqan Uyghurlarnimu bosh qoyuwetmey, ularni yurtidiki uruq-tughqanlirigha bésim ishlitish yoli bilen kontrol qilishqa, ular üstidin jasusluq qilishqa urunuwatqanliqidek pakitlar yorutup bérilgen idi.