Өзбекистан билән уйғур аптоном райони арилиқида нәмәнган - үрүмчи һава йоли ечилған

Мухбиримиз қутлан
2016-09-17
Share

Игилинишичә, уйғур ели билән өзбекистан арисидики иккинчи һава йоли үрүмчи - нәмәнган һава йоли 9 - айниң 20 - күнидин етибарән қатнаш башлайдикән.

Нур ториниң бу һәқтики мәхсус хәвиригә қариғанда, өзбекистанниң нәмәнган шәһиридин үрүмчигә қатнайдиған қош йөнилишлик бу һава йолида һәр һәптиниң сәйшәнбә күни бир қетим айропилан учидикән. Бу линийәдә өзбекистан һава йоллириниң боин 757 типлиқ айропилани учуш вәзиписини иҗра қилидикән. Тақ линийәдә учуш вақти тәхминән 3 саәт әтрапида болидикән.

Игилинишичә, үрүмчи - нәмәнган линийәсиниң тақ йөнилишлик белити 1700 йүән, бериш - келиш белити 3400 йүәндин башлинидикән.

Уйғур ели билән өзбекистан арилиқида тунҗи қетим ечилған һава йоли үрүмчи - ташкәнт линийәси болуп, бу қетим ечилған үрүмчи - нәмәнган линийәси уйғур ели билән өзбекистан арисидики иккинчи һава йоли һесаблинидикән.

Мәлум болушичә, тарим ойманлиқи билән пәрғанә ойманлиқи арисидики қатнаш вә алақә йеқинқи заман тарихида интайин қоюқ һаләттә давам қилған болуп, сабиқ советләр иттипақи мәзгилидә, болупму 1960 - йиллардин буян үзүлүп қалған. Көзәткүчиләр, нөвәттә уйғур ели билән оттура асия арилиқидики һава вә қуруқлуқ йоллириниң раванлишиши уйғурларниң ғәрбтики қошнилири билән болған алақисини йәниму күчәйтиду, дәп һесаблимақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт