Özbékistan bilen Uyghur aptonom rayoni ariliqida nemen'gan - ürümchi hawa yoli échilghan

Muxbirimiz qutlan
2016.09.17

Igilinishiche, Uyghur éli bilen özbékistan arisidiki ikkinchi hawa yoli ürümchi - nemen'gan hawa yoli 9 - ayning 20 - künidin étibaren qatnash bashlaydiken.

Nur torining bu heqtiki mexsus xewirige qarighanda, özbékistanning nemen'gan shehiridin ürümchige qatnaydighan qosh yönilishlik bu hawa yolida her heptining seyshenbe küni bir qétim ayropilan uchidiken. Bu liniyede özbékistan hawa yollirining bo'in 757 tipliq ayropilani uchush wezipisini ijra qilidiken. Taq liniyede uchush waqti texminen 3 sa'et etrapida bolidiken.

Igilinishiche, ürümchi - nemen'gan liniyesining taq yönilishlik béliti 1700 yüen, bérish - kélish béliti 3400 yüendin bashlinidiken.

Uyghur éli bilen özbékistan ariliqida tunji qétim échilghan hawa yoli ürümchi - tashkent liniyesi bolup, bu qétim échilghan ürümchi - nemen'gan liniyesi Uyghur éli bilen özbékistan arisidiki ikkinchi hawa yoli hésablinidiken.

Melum bolushiche, tarim oymanliqi bilen perghane oymanliqi arisidiki qatnash we alaqe yéqinqi zaman tarixida intayin qoyuq halette dawam qilghan bolup, sabiq sowétler ittipaqi mezgilide, bolupmu 1960 - yillardin buyan üzülüp qalghan. Közetküchiler, nöwette Uyghur éli bilen ottura asiya ariliqidiki hawa we quruqluq yollirining rawanlishishi Uyghurlarning gherbtiki qoshniliri bilen bolghan alaqisini yenimu kücheytidu, dep hésablimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.