Uyghur élidiki namratlarni yölesh ishxanisi mudiri parixorluq bilen sotlandi

Muxbirimiz irade
2016-10-27
Share

26-Öktebir küni Uyghur aptonom rayonluq namratlarni yölesh ishxanisi mudiri jaw goming parixorluq jinayiti bilen sotlan'ghan.

Xelq géziti tori bu heqtiki xewiride, jaw gomingning xizmettiki qulayliqidin paydilinip, namratlarni yöleshtiki bashlamchi karxanilargha yardem ösümlük qerz pul bérish, yerni höddige élish, qurulush tonushturush, xizmitini yötkesh, wezipisini östürüsh qatarliq jehetlerde jem'iy 5 milyon 393 ming 144 som pul, mal para alghanliqini bayan qilghan.

Derweqe, yerliktin igilen'gen uchurlarda xitay hökümiti küchep teshwiq qiliwatqan namratlarni yölesh qurulushi we emin öy qurulushlirining Uyghur élidiki chiriklik eng éghir saheler ikenliki melum bolghan idi. Yéqinda Uyghur élining melum yézisidiki bir kishi radi'omizgha qilghan sözidimu, yuqiridin namratlarni yölesh namida chüshken mebleghning heqiqiy namratning qoligha bérip bolghuche qatmu-qat parixor emeldarlarning qolidin ötüp héchnémisi qalmaydighanliqini inkas qilghan we "Ilgiri emeldarlar ochuq-ashkara yégen bolsa, hazir yoshurun yeydu. Özgirish bolghini yoq" dégen idi.

Shi jinpingning "Chiriklikke qarshi turush" namidiki kürishide nurghun emeldar jazalanmaqta. Biraq, köpligen xitay ishliri közetküchiliri, xitayda chiriklikning pütkül siyasiy sistéma özgermigüche yoqalmaydighanliqini, buning peqet shi jinpingning siyasiy reqiblirini yoqitish herikiti ikenlikini ilgiri süridu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet