Хитай һөкүмити уйғурниң нан мәдәнийитини хитайчилаштурмақта

Мухбиримиз сада
2019-05-08
Елхәт
Пикир
Share
Принт

Уйғурлар әлмисақтин тартип нанни муқәддәс билип, уни улуғлап кәлгән бир хәлқ. Һалбуки, йеқиндин буян хитай һөкүмити түрлүк усулларни қоллинип, уйғурларниң тарихтин буян давамлишип келиватқан нан мәдәнийитини хитайлаштурушқа урунмақта.

Йеқинда хитайниң «хәвәрләр» торида қәшқәр вилайитиниң йәкән наһийәсидә әң чоң нан завутиниң қурулғанлиқи һәққидә бир сүрәтлик хәвәр елан қилинған. Хәвәрдин мәлум болушичә, нан завутиниң ечилиш мурасимиға уйғур дияридики һәр дәриҗилик һөкүмәт органлиридин пәқәт хитай хадимларла қатнашқан вә завутни зиярәт қилған. Хәвәрдики муһим нуқтиларниң бири хитай даирилири мурасимға қатнашқан уйғур қизлирини пүтүнләй хитайниң әнәниви байрам кийимлирини кийишкә тәшкиллигән.

Хәвәрдә дейилишичә, хитай даирилири нан завути қуруп, һәрхил шәкилләрдики, һәтта сомка шәкиллик нанларни йеқип чиқирип, базарға салған.

Муһаҗирәттики анализчилар бу һәқтә пикир йүргүзүп, уйғурларниң әзәлдин тартип улуғлап келиватқан нан мәдәнийити, һәтта нанниң йәргә чүшүп кәткән увиқиниму дәссимәйдиған адити нөвәттә хитай мәдәнийитиниң хирисиға дуч кәлмәктә. Бу хитай һөкүмитиниң очуқ-ашкара һалдики мәдәнийәт қирғинчилиқидин башқа нәрсә әмәс, дәп қаримақта.

Пикирләр (0)
Share
Толуқ бәт