Nensi pélosi: “Mirika Uyghur irqiy qirghinchiliqigha qarimay, xitay bilen kilimat mesilisini hel qilishi kérek”

Amérika awam palatasining re'isi nensi pélosi, amérikaning xitay bilen Uyghurlargha qarita irqiy qirghinchiliq qilghanliqi, xongkongda démokratiyeni basturghanliqigha qarimay, hawa kilimat mesilisini hel qilishi kéreklikini bildürgen.

Amérikadiki “Döletlik teqriz” zhurnilining ilgiri sürüshiche, amérika dölet mejlisining “Uyghur kishilik hoquq siyasiti qanuni”, “Uyghur mejburiy emgikining aldini élish” qanun qatarliq qanun-maddilarni maqullishida halqiliq rol ‍oynighan pélusi xanim, bu pikirni 17-séntebir londonda bashlan'ghan G-7 döletliri parlamént bashliqlirining yighini harpisida éytqan.

U, xitay “Jenubiy déngizda herbiy tajawuzchiliq qiliwatqan, shinjang ölkiside irqiy qirghinchiliqni dawamlashturuwatqan, tibetning medeniyet, til, diniy jehettiki ewzellikige dexli terz qiliwatqan, xongkong we xitayning bashqa jaylirida démokratiyeni basturghan” bolsimu, biraq “Kilimat krizisida xitay bilen hemkarlishish kérekliki” ni bildürgen. Uning éytishiche, kilimat mesilisi hemmini bésip chüshidighan jiddiy mesile iken.

Pélusi xanim “Bularning hemmisi déyilgendin kéyinmu…. . Biz hemmimiz kilimat mesiliside ortaq tirishishimiz kérek. Kilimat hemmini bésip chüshidighan mesile shundaqla xitay dunyadiki eng chong bulghima qoyup béridighan dölet”. Lékin xitay hökümiti amérika bilen kilimat mesiliside hemkarlishishqa izchil shert qoshup keldi. Melum bolushiche, xitay hökümiti amérika terepke wiza cheklimisini boshitish, xitayni tehdit, dep qarimasliq, xitay emeldarlirigha qoyulghan émbargoni bikar qilish qatarliq teleplerni qoyghaniken.