Нәнси пелоси: “мирика уйғур ирқий қирғинчилиқиға қаримай, хитай билән килимат мәсилисини һәл қилиши керәк”

Америка авам палатасиниң рәиси нәнси пелоси, американиң хитай билән уйғурларға қарита ирқий қирғинчилиқ қилғанлиқи, хоңкоңда демократийәни бастурғанлиқиға қаримай, һава килимат мәсилисини һәл қилиши керәкликини билдүргән.

Америкадики “дөләтлик тәқриз” журнилиниң илгири сүрүшичә, америка дөләт мәҗлисиниң “уйғур кишилик һоқуқ сиясити қануни”, “уйғур мәҗбурий әмгикиниң алдини елиш” қанун қатарлиқ қанун-маддиларни мақуллишида һалқилиқ рол ‍ойниған пелуси ханим, бу пикирни 17-сентәбир лондонда башланған G-7 дөләтлири парламент башлиқлириниң йиғини һарписида ейтқан.

У, хитай “җәнубий деңизда һәрбий таҗавузчилиқ қиливатқан, шинҗаң өлкисидә ирқий қирғинчилиқни давамлаштуруватқан, тибәтниң мәдәнийәт, тил, диний җәһәттики әвзәлликигә дәхли тәрз қиливатқан, хоңкоң вә хитайниң башқа җайлирида демократийәни бастурған” болсиму, бирақ “килимат кризисида хитай билән һәмкарлишиш керәклики” ни билдүргән. Униң ейтишичә, килимат мәсилиси һәммини бесип чүшидиған җиддий мәсилә икән.

Пелуси ханим “буларниң һәммиси дейилгәндин кейинму…. . Биз һәммимиз килимат мәсилисидә ортақ тиришишимиз керәк. Килимат һәммини бесип чүшидиған мәсилә шундақла хитай дунядики әң чоң булғима қоюп беридиған дөләт”. Лекин хитай һөкүмити америка билән килимат мәсилисидә һәмкарлишишқа изчил шәрт қошуп кәлди. Мәлум болушичә, хитай һөкүмити америка тәрәпкә виза чәклимисини бошитиш, хитайни тәһдит, дәп қаримаслиқ, хитай әмәлдарлириға қоюлған ембаргони бикар қилиш қатарлиқ тәләпләрни қойғаникән.