Ш а ә т ниң баш катипи әза дөләтләрниң хитайға қаратқан сияситини "күчәйтиши" ни тәләп қилған

Мухбиримиз әркин
2021-06-14
Share

Шималий атлантик әһди тәшкилати (NATO) ниң баш катипи җенс столтенберг әза дөләтләрниң хитай билән ортақ қиммәт қаришиға ‍игә әмәсликини, буни хитайниң уйғурларға қаратқан муамилисидин көргәнликини билдүрүп, әза дөләтләрниң хитайға қарита коллектип сияситини "күчәйтиши" керәкликини билдүргән. Стйолтенберг бу сөзни ш а ә т ға әза дөләтләр башлиқлири йиғини белгийәдә ечилишниң һарписида, канада ахбарат шеркити CBC-ниң мухбириға ейтқан.

Столтенберг мундақ дигән: "хитай биз билән ортақ қиммәт қаришиға игә әмәс… биз буни хитайниң хоңкоңдики демократик наразилиқларни қандақ бастурғанлиқи, уйғурларға охшаш аз санлиқ милләтләргә қандақ зулум қилғанлиқи, шундақла уларниң заманиви технологийә, иҗтимаий таратқу, йүз тонуш техникисини ишлитип, өз хәлқини биз бурун көрүп бақмиған шәкилдә көзәткәнлики вә назарәт қилғанғанлиқидин көрүп йәттуқ."

У йәнә "буларниң һәммиси шималий атлантик әһди тәшкилатиниң хитай мәсилисигә кәлгәндә сияситимизни күчәйтидиған бир сиясәт бәрпа қилишимизни техиму тәләп қилиду," дегән.

Бу ш а ә т баш катипиниң тунҗи қетим уйғурлар мәсилисини тилға елишидур. Ш а ә т ға дөләтләр башлиқлири йиғини 14-июн мәзкур сияси-һәрбий ииттипақниң белгийә пайтәхти берюсселдики баш штабида башланған. Йиғинда тунҗи қетим хитайниң хәлқара тәртипкә вә ш а ә т дики иттипақдаш дөләтләргә "системилиқ хирис" пәйда қиливатқанлиқи тәкитләнгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт