NATO Rehberliri xitayni "Dunyawiy xewpsizlikke xiris peyda qilmaqta" dep jakarlidi

Muxbirimiz eziz
2021-06-22
Share

Bash shitabi bélgiyening béryussél shehridiki shimaliy atlantik ehdi teshkilati (NATO) ning rehberliri 21-iyundiki yighindin kéyin yazma bayanat élan qilip: "Xitayning közlewatqanliri we qiliwatqanliri uning qanun arqiliq idare qilinidighan xelq'ara tertipler we bizning ittipaqdashlirimiz üchün sistémiliq xirislarni peyda qilmaqta" dep körsetti.

Amérika prézidénti jow baydén en'gliyediki "Yette dölet bashliqliri yighini" (G7) din kéyin NATO yighinigha ishtirak qilghan hemde ittipaqdashlar bilen xitay heqqidiki mesililerni muhakime qilghan. Muhakime yighini jeryanida u ittipaqdashlarni Uyghurlar duch kéliwatqan siyasiy basturushlar we zor kölemlik mejburiy emgek heqqide agahlandurup: "Ittipaqdashlirimizning bu mesilide beziliri bashqiche pikirlerde boluwatqan bolsimu, emma omumiy pikir yenila bizni memnun qilidu," dégen.

Bu qétimqi NATO yighinigha qatnashqan döletlerdin fransiye, gérmaniye qatarliq bir qisim döletler xitay bilen bolghan iqtisadiy mu'amili'isi tüpeylidin xitay hökümitini "Dunya xewpsizliki üchün tehdit" dep jakarlashni "Sel chékidin ashuriwetkenlik" dep qaraydighanliqini bildürgen.

Xewerde éytilishiche, bu qétimqi yighinda amérika prézidénti jow baydén amérikaning ittipaqdashliri bilen, jümlidin baltiq döletliri bilen xitay mesiliside keng-kushade söhbette bolghan. Shuningdek NATO ning bash sékrétari jéns stolténbérg bilen ittipaqdashlardin biri hujumgha uchrisa, qalghanliri tézdin kolléktip inkas qayturush mesilisi heqqide ortaq chüshenche hasil qilghan. Xewerdin melum bolushiche, 23-iyun küni jow baydén rosiye prézidénti wiladimir putin bilen uchrishidiken hemde bixeterlik mesilisi boyiche söhbetlishidiken. Nöwette beziler uning "Yette dölet bashliqliri" we NATO rehberliri bilen uchrishishini putin bilen bolidighan söhbetning aldigha qoyushi toghrisida her xil perezlerde bolmaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet