Nato emeldari natoni xitayning rusiyeni qollishini tosushqa chaqirdi

Chéx jumhuriyitining shimaliy atlantik okyan ehdi teshkilati (NATO), yeni natoda  da'imiy turushluq wekili jakub lendowiskiy xitaygha choqum  uning qa'idige ri'aye qilishi heqqide signal bérish kéreklikini éytqan.

 “Asiya iqtisad xewerliri” (Nikkei Asia) gézitining xewer qilishiche, shimaliy atlantik okyan ehdi teshkilati ( (NATO ning yaponiyede ziyarette bolghan emeldari jakub lendowiskiy mezkur teshkilatning xitayning rusiyeni qollash herikitige arilishishni tekitligen.

Jakub lendowiski mundaq dégen: “Biz xitayning bu sahede rusiyeni téximu köp qollishining aldini élish üchün tirishishimiz kérek. Bu intayin muhim. Xitayning jenubi déngizdiki pilani we pa'aliyiti xelq'ara tertipke jeng élan qilghanliqtur”.

Shimaliy atlantik okyan ehdi teshkilatigha eza döletlerning wekilliri biryussélda xizmet qilidighan bolup, ular chet'el dölet mudapi'e ministirliri uchrishishi we bashliqlar yighinining teyyarliq xizmetlirini ishleshke mes'ul iken.

Lendowiskiy we  shimaliy atlantik okyan ehdi teshkilatidiki bashqa shexsler 12-ayning  12-küni  yaponiyede  yaponiye tashqi ishlar ministiri yoko kamikawa  bilen körüshken.

Lendowiskiy bu uchrishishta mundaq dégen: “Biz pütün küchimiz bilen kilimat özgirishi qatarliq bir qisim yer shari xaraktérlik mesililerde xitay bilen alaqilishishimiz  we söhbetlishishimiz kérek. Shuning bilen waqitta xitaygha choqum qa'idige we xelq'ara tertipke ri'aye qilishi  heqqide signal bérishimiz kérek”.

“Asiya iqtisad xewerliri”  gézitining yéqinda xewer qilishiche shimaliy atlantik okyan ehdi teshkilati 2024-yili tokyoda alaqilishish ishxanisi qurup, uni awstraliye, yaponiye, yéngi zélandiye we jenubiy koréye bilen hemkarlishishning merkizi qilip ishlitidiken.

Bu yil 7 ayning 12-küni, litwada ötküzülgen shimaliy atlantik okyan ehdi teshkilatigha eza  döletler bashliqliri yighinida, xitaygha qarshi küchlük bayanat élan qilin'ghan. Bu yighin'gha qatnashqan awstraliye, yaponiye, yéngi zélandiye we jenubiy koréye rehberliri mezkur teshkilatning hindi-tinch okyan rayoni xewpsizlikini qoghdash sépige qétilidighanliqini bildürgen bolup, ular élan qilghan birleshme bayanat emeliyette xitay tehditige qarshi pozitsiyeni ipadileydiken.