Shiwétsiyelik naxsha cholpini zara larson Uyghurlarni qollaydighanliqini élan qildi

Muxbirimiz eziz
2020-08-05
Élxet
Pikir
Share
Print

Gherb dunyasida özining in'glizche naxshiliri bilen mu'eyyen tesir qozghawatqan shiwétsiyelik naxshichi zara larson 4-awghust küni özining xu'awéy shirkiti bilen bolghan toxtamni bikar qiliwetkenlikini jakarlap "Xitay men oylighandek yaxshi memliket emes iken" dédi.

"Yaxu xewerliri" ning 4-awghusttiki xewiride éytilishiche, zara muxbirlarning ziyaritini qobul qilghanda "Men xitay hökümiti hazir qiliwatqan ishlarni qobul qilalmidim. Shunga men Uyghurlar we xongkong mesilisini qollaymen" dégen. Shuningdek xu'awéy shirkiti bilen tüzgen toxtamni emeliyette bu yil aprélda bikar qiliwetkenlikini bildürgen.

Xewerde éytilishiche, zara ötken yilila xu'awéy guruhining yawropadiki jasusluq qilmishi heqqide ‍uchurlarni tapshuruwalghan hemde bezilerning "Zara kommunistik hakimiyetke yar-yölek bolmaqta" dégendek eyibleshlirige uchrighan.

Melum bolushiche, bu yil 23 yashqa kirgen zaraning bir qisim naxshiliri yawropa we amérikada 20 nechche milyon qétimdin artuq körülgen. Uning yotubé qanilidiki egeshküchilirila alte milyon'gha yétidiken.

Toluq bet