"ню-йорк вақти" гезити: "хитайниң шинҗаңдики туғут чәклимиси мусулман аялларни нишан қилған"

Мухбиримиз әркин
2021-05-10
Share

"ню-йорк вақти" гезити 10-май хәвәр берип, һазир хитайниң башқа җайлирида аяллар техиму көп туғушқа риғбәтләндүрүливатқан болсиму, бирақ шинҗаңдики уйғур аяллириниң туғмаслиққа мәҗбурлиниватқанлиқини билдүргән. Хәвәрдә даириләрниң пүтүн хитайда туғулуш нисбитиниң төвәнләп кетиши түпәйли нупус кризиси келип чиқишниң алдини елиш үчүн аялларни техиму көп туғушқа риғбәтләндүридиғанлиқи, бирақ уйғур елидики мусулман аяллириниң буниңдин мустәсна икәнлики тәкитләнгән.

Хәвәрдә ейтилишичә, бу хитай компартийәсиниң өз һөкүмранлиқиға хирис қилған һәрқандақ риқабәтни, җүмлидин "миллий бөлгүнчиликни йоқитишни қарар қилған кәң көләмлик вә бастуруш характерлик иҗтимаий қайта қуруш һәркитиниң парчиси" икән. Хәвәрдә қәлбинур сидиққа охшаш аял лагер шаһитлириниң бешиға кәлгән күлпәтләр мисал кәлтүрүлүп, "даириләр мусулман аяллирини нишанға елшта техиму илгирләп нупусқа әвлатму-әвлат тәсир қилидиған нупус ‍өзгүрүшини пиланлашқа урунди," дийилгән.

Хәвәрдә йәнә хитай һөкүмити мусулман аяллириниң өз ихтиярлиқи билән туғмайватқанлиқини ‍игири сүрүп кәлгәнлики, бирақ һәр хил дәлилләр хитай компартийәсиниң уларни туғмаслиққа зорлиғанлиқини көрситиватқанлиқи тәкитләнгән.

"хитайниң шинҗаңдики туғут чәклимиси мусулман аялларни нишан қилған" мавзулуқ мәзкур хәвәрдә ейтилишичә, хитай һөкүмити бу җәһәттики тәнқидләрни рәт қилған болсиму, әмма уйғур елиниң һәр қайси наһийәлириниң 2019-йилидин буянқи туғулуш нисбити вә туғут контроллуқини ө ичигә ‍алған һалқилиқ санлиқ мәлуматларни елан қилишни тохтатқан.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт