"Nyu-york waqti" géziti: "Xitayning shinjangdiki tughut cheklimisi musulman ayallarni nishan qilghan"

Muxbirimiz erkin
2021-05-10
Share

"Nyu-york waqti" géziti 10-may xewer bérip, hazir xitayning bashqa jaylirida ayallar téximu köp tughushqa righbetlendürüliwatqan bolsimu, biraq shinjangdiki Uyghur ayallirining tughmasliqqa mejburliniwatqanliqini bildürgen. Xewerde da'irilerning pütün xitayda tughulush nisbitining töwenlep kétishi tüpeyli nupus krizisi kélip chiqishning aldini élish üchün ayallarni téximu köp tughushqa righbetlendüridighanliqi, biraq Uyghur élidiki musulman ayallirining buningdin mustesna ikenliki tekitlen'gen.

Xewerde éytilishiche, bu xitay kompartiyesining öz hökümranliqigha xiris qilghan herqandaq riqabetni, jümlidin "Milliy bölgünchilikni yoqitishni qarar qilghan keng kölemlik we basturush xaraktérlik ijtima'iy qayta qurush herkitining parchisi" iken. Xewerde qelbinur sidiqqa oxshash ayal lagér shahitlirining béshigha kelgen külpetler misal keltürülüp, "Da'iriler musulman ayallirini nishan'gha élshta téximu ilgirlep nupusqa ewlatmu-ewlat tesir qilidighan nupus ‍özgürüshini pilanlashqa urundi," diyilgen.

Xewerde yene xitay hökümiti musulman ayallirining öz ixtiyarliqi bilen tughmaywatqanliqini ‍igiri sürüp kelgenliki, biraq her xil deliller xitay kompartiyesining ularni tughmasliqqa zorlighanliqini körsitiwatqanliqi tekitlen'gen.

"Xitayning shinjangdiki tughut cheklimisi musulman ayallarni nishan qilghan" mawzuluq mezkur xewerde éytilishiche, xitay hökümiti bu jehettiki tenqidlerni ret qilghan bolsimu, emma Uyghur élining her qaysi nahiyelirining 2019-yilidin buyanqi tughulush nisbiti we tughut kontrolluqini ö ichige ‍alghan halqiliq sanliq melumatlarni élan qilishni toxtatqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet