“Nezle jewhiri” ning klinikiliq sinaqqa örlishi guman qozghidi

Uyghur tébabitidiki da'imliq dorilardin bolghan “Nezle jewhiri” yéqinda xitayning döletlik dora mehsulatlirini bashqurush idarisining testiqidin ötüp, klinikiliq sinash basquchigha kirgen.
“Xitay xewerliri” torining 8-apréldiki xewiride éytilishiche, bu qétimqi “Nezle jewhiri” ni xitay penler akadémiyesi ürümchi shöbisi fizika-ximiye tetqiqat institutining mu'awin mudiri, tetqiqatchi haji ekber eysa bashchiliqidiki bir guruppa xadimlar teyyarlighan iken.

“Nezle jewhiri” asasliqi zukamni dawalashqa ishlitilidiken. Ular hazir Uyghur tébabiti boyiche toqquz xil dora teyyarlawatqan bolup, bu qétimqisi buningdiki birinchi mehsulat iken.

Buningdin ilgiri lagérgha élip kétilgen Uyghur tébbiy alimliridin xalmurat ghopurmu del mushu xildiki Uyghur tébabet dorilirini xelq'aragha yüzlendürüshke hesse qoshup kéliwatqan idi. Bu qétim “Nezle jewhiri” ning klinikiliq sinaq basquchigha örlishide qandaq arqa körünüshlerning barliqi heqqide köpligen gumanlar otturigha chiqiwatqanliqi melum.