Ürümchidiki mektep we yesililerde noro wirusi tarqalghan

Muxbirimiz jewlan
2021-04-20
Share

Xitay taratqulirining xewiridin melum bolushiche, ürümchidiki mektep we yeslilerde noro wirusi tarqalghan bolup, 19-aprél ürümchi sheherlik yuqumluq késelliklerning aldini élish we kontrol qilish merkizi bu wirustin yuqumlinish ehwalining éghirliqi we uni tizginlesh heqqide signal bergen.

Melumatlargha qarighanda, noro wirusi ashqazan-üchey yallughi peyda qilidighan wiruslarning biri bolup, yoshurunush waqti qisqa, özgirishi téz, muhitqa maslishish iqtidari küchlük, tarqilish yolliri her xil bolidiken. Bu wirusni yuqturuwalghanlarda köngli élishish, qorsiqi köpüsh, béshi aghrish, qizzish, ashqazinini soghuq qaplap kétish, muskulliri aghrish qatarliq alametler körülidiken. Chonglar bilen balilarning késellik alamitining körülüshi perqliq bolup, balilarda qusush, chonglarda ich sürüsh köp körülidiken. Bu késellik asasen noro wirusi bilen bulghan'ghan yémek-ichmektin kélidiken, wiruslar qol, éghiz, tamaq qachisi arqiliq yuqidiken.

Közetchilerning qarishiche, xitaydiki mektep we yeslilerde, bolupmu xitay hökümiti köplep qurghan yétimxanilarda opche tamaqlinish ehwali mewjut, u yerde ishleydighanlar bu balilarning taziliqigha köngül bölmeydu, salametlik ehwaligha diqqet qilmaydu. Ata-anisidin ayrilghan balilarning hali téximu xarap, ularning qandaq tamaqlinip, qandaq yashawatqanliqi, késel yaki saqliqi, hetta hayat yaki ölüklikini bilgili bolmaydu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet