Amérika Uyghurliri birleshmisi noruz pa'aliyiti ötküzdi

Muxbirimiz ümidwar
2017-03-26
Élxet
Pikir
Share
Print


25-Mart küni amérika Uyghurliri birleshmisi amérika paytexti washin'gton shehiridin anche yiraq emes, xérindon sheherchiside Uyghur jama'iti üchün 2017-yilliq noruz pa'aliyiti teshkillidi.

Kech sa'et altidin on'ghiche dawamlashqan mezkur noruz pa'aliyitige wirginiye, meryland shtatlirida yashaydighan we bashqa jaylardin kelgen Uyghurlardin 200 etrapida kishi ishtirak qilghan bolup, amérika Uyghurliri birleshmisi re'isi ilshat hesen murasimning échilish sözini sözlep, köpchilikning noruzini tebriklidi.

Pa'aliyet jeryanida Uyghur yash ösmürliri özlirining teyyarlap kelgen sen'et nomurlirini körsetti we shé'irlar déklamatsiye qildi. Jama'et birlikte we ömlükte noruz keypiyatini yuqiri kötürüshti we öz'ara noruzluq yaxshi tileklirini bildürüshti.

Melum bolushiche, hazir wirginiye, merylend shtatlirida yashaydighan Uyghurlarning sani köpiyiwatqan bolup, ularning jama'et pa'aliyetlirige bolghan qiziqishi we teleplirimu ashmaqta iken.

Amérika Uyghurliri birleshmisi qurulghandin buyan her yili noruz pa'aliyetliridin bashqa yene 1933-yili we 1944-yili 12-noyabir künliri qurulghan sherqiy türkistan jumhuriyitini xatirilesh murasimlirinimu ötküzüp kelmekte.

Toluq bet