Uyghur da'iriliri bu yilliq noruzni milletler ittipaqi teshwiqat meydanigha aylandurdi

Muxbirimiz méhriban
2017-03-21
Share


Xitayning hökümet taratqulirining seyshenbe künidiki xewerliride, Uyghur rayonida bu yilqi noruz bayrimining “Milletler inaqliqi” keypiyatida ötkenliki, 20-mart küni Uyghur diyarining jenub-shimalidiki herqaysi nahiye, yézilarda noruzluq sen'et pa'aliyetliri ötküzülgenliki, her millet xelqining noruz éshi yéyish, dala seylisi uyushturush qatarliq pa'aliyetler bilen noruzni kütiwalghanliqi teshwiq qilindi.

Yéqinqi birqanche yildin buyan Uyghur aptonom rayon da'irilirining, Uyghur qatarliq türkiy xelqler arisida ötküzülüwatqan meshrep, noruz, bagh-chichek seylisi qatarliq ammiwi bayramlarni siyasiylashtürüp, téliwiziye qatarliq hökümet taratqulirida milletler inaqliqi teshwiqatigha aylanduruwatqanliqi chet'ellerdiki Uyghur pa'aliyetchiliri, xelq'ara teshkilatlar we taratqularning diqqitini qozghighan.

Bu heqtiki inkaslarda, xitay hökümet da'irilirining Uyghur qatarliq yerlik xelqlerning meshrep, noruz qatarliq ammiwi pa'aliyetlirini hökümet teshwiqatigha aylandurup, eksiche Uyghur xelqi arisida dawamliship kéliwatqan islam diniy tüsi qoyuq bolghan ölüm, nikah murasimliridiki diniy örp-adetlerge cheklime qoyush, hetta ramizan éyidiki roza tutush, meschitlerde kolliktip iptar qilish qatarliq diniy pa'aliyetlerni “Qanunsiz diniy pa'aliyetler” dégen namlar bilen cheklewatqanliqi tekitlenmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet