Alte yilliq diplomatik soghuqchiliqtin kéyin xitay bilen norwégiyening munasiwiti eslige kelgen

Muxbirimiz qutlan
2016-12-19
Share

Türmidiki xitay öktichisi lyu shawbogha nobél tinchliq mukapati bérilishi seweblik 6 yildin buyan diplomatik soghuqchiliqqa pétip qalghan xitay-norwégiye munasiwitining nöwette normallashqanliqi melum.

Birleshme agéntliqning bu heqtiki xewirige qarighanda, norwégiye tashqi ishlar ministiri borgé bréndi bügün, yeni 19-dékabir küni tuyuqsizla béyjingni ziyaret qilip, ikki dölet munasiwitining eslige kelgenliki heqqide birleshme bayanat élan qilghan.

Birleshme bayanatta mundaq déyilgen: "Norwégiye hökümiti 'bir junggo prinsipi' gha, junggoning igilik hoquqi we zémin pütünlükige toluq hörmet qilidu. Junggoning dölet menpe'itige ziyanliq we ikki terepning munasiwitige tesir yetküzidighan herqandaq söz-heriketlerdin özini yiraq tutidu."

Epsuslinarliqi shuki, birleshme bayanatta kishilik hoquq mesilisige chétilidighan héchqandaq söz-ibare tilgha élinmighan.

Igilinishiche, xitay öktichi lyu shawbogha nobél tinchliq mukapati bérilgendin kéyin, xitay terep norwégiyege qattiq bésim ishletken. Norwégiye taratqulirining ashkarilishiche, xitay köp qétim norwégiye hökümitining özliridin resmiy kechürüm sorishini telep qilghan. Emma norwégiye hökümiti buni ret qilip, nobél komitétining bir musteqil teshkilat ikenlikini, uning qararining norwégiye hökümet terep bilen munasiwiti yoqluqini tekitligen.

Norwégiye bash ministiri érna solbérg bu munasiwet bilen inkas qayturup: "Norwégiye bilen junggo otturisidiki 6 yilgha sozulghan diplomatik tongda norwégiye iqtisadi shek-shübhisizki zerbige uchridi," dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet