Nuriy türkel amérika shirketlirini Uyghur mejburiy emgikige qarshi turushqa chaqirdi

Muxbirimiz irade
2021-01-21
Share

Amérika xelq'ara diniy erkinlik komitétining komissari nuri türkel amérika shirketlirini Uyghurlarning qul emgekchilerge aylandurulushigha qarshi ornidin des turushqa chaqirdi.

Nuriy türkel ependi "Nyu-york waqti géziti" de Uyghurlarning mejburiy emgekke sélinish mesilisi heqqide mexsus maqale élan qilip, xitay hakimiyitining uzun yillardin béri mejburiy emgekni rayon'gha qaratqan siyasetlirining muhim nuqtilirining biri qilip kelgenlikini, hélihem milyonlighan Uyghurning lagérlargha qamilish we mejburiy qul emgikige sélinishtek ré'alliqtin qéchip qutulalmighanliqini bayan qilghan.

U amérika tramp hökümiti buninggha qarshi turush üchün keskin tedbirlerni alghan bolsimu, biraq shirketlerningmu buningda tedbir qollinish mes'uliyiti barliqini bildürgen.

U mundaq dégen:

"Nöwette mewjut bolghan tedbirler Uyghur rayonidiki mejburiy emgek we Uyghurlarning mejburiy emgiki asasidiki mehsulatlargha taqabil turushta yéterlik bolmasliqi mumkin, amérika shirketliri buning bilen qana'etlinip qalmasliqi kérek. Qul qilish, jümlidin mejburiy emgek bir millet we dinni asas qilghan kishilerge meqsetlik we keng kölemlik hujum qilishning bir parchisi süpitide yürgüzülgende uni insaniyetke qarshi sadir qiliniwatqan yoshurun jinayet dep qarashqa bolidu. Xitayning mejburiy emgek siyasiti buninggha mas kélidu. Shunga bu yoshurun jinayi qilmishlarni qesten yaki meqsetsiz halda qollighan we uningdin nep alghan karxanilar xuddi ikkinchi dunya urushidin kéyin nurbérg sot mehkimiside bir qisim gérmaniye sana'etchiliri sotlan'ghan'gha oxshash jawabkarliqqa tartilidu".

Nuriy türkel ependi xitaydin mal teminlewatqan amérika shirketlirining teminlesh zenjirliride qul emgiki bar-yoqluqini musteqil halda inchikilik bilen tekshürüshi, zörür tépilsa xitaydiki teminlesh zenjirliridin waz kéchishi kéreklikini bildürgen.

U maqaliside mundaq dep xitab qilghan: "Herqaysi tereplerning öz-ara hemkarliqi asasida bu mesilidiki bésimni we tesir küchni ashurghili bolidu. Amérika shirketliri xitay hökümitige özlirining karxana mes'uliyitige we kishilik hoquqqa estayidilliq bilen mu'amile qilidighanliqini, Uyghur rayonidiki bu wehshiyliklerge shérik bolushni xalimaydighanliqi, zörür tépilsa xitaydiki teminlesh zenjirliri bilen munasiwetni üzüshke teyyarliqini küchlük we kolléktip halda bildürüp qoyushi kérek".

Nuriy türkel ependi jow baydin hökümitiningmu Uyghurlarning mejburiy emgekke sélinish mesilisige jiddiy qaraydighanliqidin bésharet bergenlikini tilgha alghan we maqalisi axirida "Ikkinchi dunya urushidin buyanqi bir milletke sistémiliq ziyankeshlik qilish yüz bériwatqan hazirqidek halqiliq bir peytte amérika shirketlirining buninggha qarshi ornidin des turushi, eng toghra tallashtur" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet